Муус устар 22 күнүгэр Саха АССР тэриллибитэ 100 сылыгар,Саха сирин норуоттарын VIII оонньууларыгар, ааҕыы, норуоттар культураларын сылыгар аналлаах “ Төрөөбүт алааскын эн таптаа” диэн ааттаах НПКны « Эйэҕэс эбээлэр» түмсүү , олохтоох библиотека, И.С. Портнягин аатынан Сыырдаах орто оскуолата, Бэрт – Ууһун нэһилиэгин администрацията, А.Ф. Бояров сиэннэрэ, хос сиэннэрэ , аймах- билэ дьоно тэрийэн ыыттыбыт.
Оҕолор олорор нэһилиэктэрин историятын бэйэлэрэ хасыһан, хомуйсан, олорон ааспыт биир дойдулаахтарынан киэн тутта сыһыаннастыннар диэн сыаллаах НПК 3 секциянан ыытылынна: « Төрөөбүт дойдубар тапталым», « Дойдум дьоно», «Күлүм гыммыт олох суолунан».
Түмүккэ, алын сүһүөх кылаастарга хоһоон ааҕыытыгар кыайыылаахтарынан Олесов Саша,Данилова Милана, Заболоцкая Лилиана, Ноговицына Даша буоллулар ; орто сүһүөххэ I миэстэни аныгы технологияны таба туһаммыт Местникова Милена ылла, IIм- 7 кылаас коллектива, III миэстэни 8 кылаастар ыллылар. Улахан сүһүөххэ- I миэстэни И. Д. Олесова аатынан уулуссаны дириҥник хасыһан үөрэппит 10 кылаас коллектива ылла, иккис миэстэни нэһилиэк спортивнай олоҕун сырдаппыт 9 кылаас, үсүһү – нэһилиэкпит тимир уустарын үөрэппит 11 кылаас коллектива ыллылар.
Бары кыттааччыларга туоһу суруктар, дипломнар, бириистэр туттарылыннылар. НПК түмүгүнэн альбом оҥоһуллан оскуола музейыгар бэлэхтэннэ.