Информация о материале

Автор: Super User

Муус устар 25 күнүгэр И.С. Портнягин аатынан Сыырдаах орто оскуолатын алын уонна орто сүһүөх кылаастарын үөрэнээччилэригэр "Символы Якутии" өрөспүүбүлүкэтээҕи олимпиадата буолан ааста. Быйыл 42 үөрэнээччи олимпиадаҕа кыттыыны ылла. Бу тэрээһиҥҥэ оскуола библиотекаря  Уйусхан Николаевич Сивцев күүс-көмө буолла.

Информация о материале

Автор: Super User

           Муус устар ый 15 күнүгэр А. П. Иванов аатынан норуот айымньытын киинин иһинэн үлэлиир «Амарах » түмсүү Улуу Кыайыы 80 сылынан уонна сандал саас салаллан кэлбитинэн Курбуһахтааҕы кырдьаҕастар уонна доруобуйаларынан хааччахтаммыт дьон интернат дьиэтин олохтоохторугар уонна үлэһиттэригэр кэтэһиилээх ыалдьыттар буолан ырыа — үҥкүү аргыстаах, кер-күлүү кэһиилээх эҕэрдэ кэнсиэрдээх ыалдьыттаатыбыт. Ону тэҥэ интернат дьиэҕэ олорор биир дойдулаахтарбытыгар нэһилиэк соц. үлэһитэ Варвара Михайловна Иванова Данилова Мария Михайловнаҕа, Андросов Михаил Николаевичка, Петухов Аркадий Петровичка, Протодьяконов Василий Михайловичка, Петров Иннокентий Ильичкэ уонна Портнягин Павел Павловичка төрөөбүт төрүт сирдэриттэн Сыырдаахха олорор аймахтарыттан ас кэһиилэрин тутан үөрүүлэрэ үксээтэ.

          Библиотекарь Пелагея Егоровна Парникова интернат библиотекатын фондата кэҥииригэр "Аһымал" акция биллэрэн Сыырдаах орто оскуолатын 6-с кылааһын үөрэнээччилэрэ кылаас салайааччыта Диана Ивановна Неустроева, «Чуораанчык » уһуйаан үлэһиттэрэ, «Эйэҕэс эбээлэр» түмсүү сал. Альбина Львовна Неустроева уонна Зоя Дмитриевна Петрова, Дмитрий Валерьянович Бурцев кинигэ бэлэхтэрин уонна норуот айымньытын киинин директора Лилия Лазаревна Бурцева өйдөбүнньүк бэлэҕин интернат дьиэ директорыгар М. В. Местниковаҕа дохсун ытыс тыаһынан туттардылар.

          Аҕам саастаахтарбытыгар Пелагея Егоровна викторина оҥорон сэргэхситтэ. Викторинаҕа боппуруостарга эппиэттээн өйдөбүнньүк бэлэх тутан үөрдүлэр. Уонна түмүккэ өйдүү саныы сылдьарга уопсай хаартыскаҕа түһүүнэн түмүктээтибит.

          Аҕам саастаахтарбыт, биир дойдулаахтарбыт үөрүүлэрэ-көтүүлэрэ биһигини долгутта, истиҥ-иһирэх кэпсэтиинэн тарҕастыбыт.

Информация о материале

Автор: Super User

Кулун тутар 20 күнүгэр Улууска култуура тэриллибитэ 80 сыллаах юбилейынан Бэрт-Ууһун олохтоох библиотекатыгар А.П. Иванов аатынан норуот айымньытын киинин методиһа Черкашин В.П. уонна библиотекарь Парникова П.Е. үлэлэрин сырдатан быыстапка туруоран оскуола оҕолоругар  библиотечнай уруокка кэпсээтилэр.

Информация о материале

Автор: Super User

Кулун тутар 4 күнүгэр А. П. Иванов аатынан НАК "Уруйдуубут Улуу Кыайыыны" Уус — Алдан улууһун нэһилиэктэрин икки ардыларыгар ыытыллар бэстиибээлгэ нэһилиэкпит 70 тахса олохтооҕо кыттыылаах тэрээһинэ өрө көтөҕүүлээхтик буолан ааста. Ол курдук бэстибээл Кыайыыны уһансыбыт сэрии, тыыл бэтэрээннэригэр сүгүрүйэн Улуу Кыайыы 80 сылыгар аналлаах быыстапкаттан саҕаланна. Быыстапка үс түһүмэхтээх. 1-кы түһүмэх "Ийэлэр өлбөт үйэлээх хорсун быһыылара» ( «Материнскай подвиг»). 2-с түһүмэх «Үйэлээх полк» («Бессмертный полк»). 3-с түһүмэх "Сэдэх экспонат» ("история одного экспоната») олохтоох оскуола оҕолорун уонна учуутал В. Н. Андросовы 7-8 кылаас салайааччылара уонна библиотекарь Пелагея Егоровна Парникова бэлэмнээн ситиһиилээхтик кытыннылар.

Салгыы нэһилиэк уус-уран самодеятельноһын 3 түһүмэхтээх 18 нүөмэрдээх театрализованнай кэнсиэрэ өрө көтөҕүүлээхтик ааста. Аҕа дойду сэриитигэр Улуу Кыайыы бастакы күнүттэн саҕалаан, Сэбиэскэй Сойуус уругуруу кэмин таарыйан бу билиҥҥи эйэлээх олоххо диэри көстүү биир тыынынан көрдөрүллэр ааста. Кэнсиэргэ ырыа араас хайысхатынан ыллаан, хоһоон ааҕан, үҥкүүлээн , хомустаан, оһуохайдаан көрдөрүлүннэ. Дьүүллүүр сүбэ быһаарыытынан. Быыстапка — 4,36. Кэнсиэр. — 4,40 Уопсайа — 4,38 баалынан сыаналанна. Кэнсиэр түмүгүнэн : Илья Ильин уонна Эрхаан Слепцов сололара, Мария Портнягина уонна Эрхаан Слепцов дуэттара, Иннокентий Барабанскай, Прокопий Неустроев, Андрей Васильев триолара, эр дьон ансаамбыла уонна Чороонноох үҥкүү лауреат үрдүк аатын ылан үөрүүбүтүн өссө үксэттэ. Улуу Кыайыы 80 сылыгар аналлаах бэстибээл уус-уран самодеятельнай кэнсиэрин кыттыылаахтарыгар, быыстапкаҕа сүбэ-ама буолбут А. Л. Неустроева, Е. Т. Бурцеваҕа,кыттыбыт оҕолорго уонна экспонат уларсан күүс көмө буолбут биир дойдулаахтарбытыгар барҕа махтал тылбытын тиэрдэбит. Бу курдук нэһилиэкпит сайдарын туһугар бары бииргэ буолуоххайыҥ.