Информация о материале

Автор: Super User

Ыам ыйын 15 күнүгэр Бэрт-Ууһун нэһилиэгин «Утум» коллекционердар түмсүүтэ салайааччы Бурцева В.А. олохтоох библиотека5а дьиэ кэргэн оло5ор туттуллар араас эгэлгэ былыргы малтан са5алаан аныгы кэмҥэ туттуллар маллары быыстапка5а туруордулар. Түмсүү кыттыылаахтарын коллекциялара киэҥ ис хоһоонноохтор, бииртэн биир интэриэһинэйдэр. Манна сэбиэскэй кэминээ5и о5о оонньуурдарын, 80с кэтиллибит таҥастары, школьнай форманы, сумкалары, 70-80сс ФЭД-3 фотоаппараты, диапроекторы/фильмоскобы, куукулалары, бииртэн биир хатыламмат ручкалары, сиэдэрэй бэйэлээх харандаас уһуктуурдары, брелоктары, матрешкалары, араас фонардары, М.Е. Николаев оло5ун, үлэтин кэпсиир кинигэлэри, ыстатыйалары уо.д.а. эгэлгэ интэриэһинэй маллары көрүөххэ сөп. Оскуола о5олоро уонна улахан дьон бииртэн биир интэриэһинэй коллекцияны көрөн сэргээтилэр, астыннылар. Инникитин «Утум» түмсүү кыттыылаахтара өссө сайдан, коллекциялара хаҥаан иһэригэр ба5арабын.

Тэрээһиҥҥэ кыттыбыт «Утум» коллекционердар түмсүүгэ, оскуола коллективыгар, үөрэнээччилэргэ, А.П. Иванов аатынан норуот айымньытын киинин коллективыгар махтанабын.

Информация о материале

Автор: Super User

"Эйэ5эс эбээлэр" түмсүү Улуу Кыайыы 80 сылыгар анаан ыыппыт "Кыайыы былааҕын аннынан" викторинатын түмүгэ таҕыста. Барыта 8 үлэ киирэн, сыаналанна. Саамай элбэх сөптөөх уонна дириҥ ис хоһоонноох эппиэттэри ыыппыт Сыырдаах орто оскуолатын нуучча тылын, литературатын учуутала Данилова Александра Николаевна кыайыылаа5ынан ааттанна. 1-дии баалынан хаалан, куруук викториналарга көхтөөхтүк кыттааччы, Бала5аннаахтан Москвитина Матрена Егоровна иккис, Горохова Любовь Леонидовна үьүс миэстэлэри ыллылар. Кыайыылаахтарга Добун суруктар, бары кыттааччыларга туоһу суруктар, өйдөбүнньүк бэлэх кинигэлэр, Улуу Кыайыы былааҕа, георгиевскай ленталар туттарылыннылар. Түмсүү аатыттан бары кыттааччыларга, тэрээһиннэригэ өрүү көх-нэм буолар дьонноругар махталларын тиэрдэллэр.

Информация о материале

Автор: Super User

Ыам ыйын 6 күнүгэр Бэрт-Ууһун нэһилиэгэр Аҕа дойду Улуу сэриитигэр Кыайыы 80 сылын көрсө  "Эйэ5эс эбээлэр" түмсүү кыайыы площадыгар туруорарга анаан 80 сибэккини олордон бэлэхтээтилэр. 

Информация о материале

Автор: Super User

         Ыам ыйын 4 күнүгэр Улуу Кыайыы 80 сылын чэрчитинэн Бэрт- Ууһун нэһилиэгин Аҕа дойду Улуу сэриитин кыттыылаахтарыгар "Хорсунун иһин", " Германияны Кыайыы иһин", "Бойобуой үтүөлэрин иһин", "В. И. Ленин 100 сылыгар килбиэннээх үлэтин иһин" мэтээллэрдээх бойобуой эпписиэр гвардия младшай лейтенант сыбаанньалаах Гаврил Нестерович уонна Екатерина Дмитриевна Ефимовтар, "Аҕа дойду сэриитин" I-кы степеннээх , "Кыһыл сулус" орденнар кавалердара, "Хорсунун иһин " мэтээллээх Егор Петрович Портнягин уонна Харитина Романовна Васильева, "Аҕа дойду сэриитин " II-с степен орден кавалера , "Хорсунун иһин ", " Германияны Кыайыы иһин", "Советскай Заполярья оборонатын иһин", мэтээллэрдээх Николай Иванович Протопопов, "Аҕа дойду сэриитин " 1-кы степеннээх орден кавалера, "Хорсунун иһин", "Ленинград оборонатын иһин", "Германияны Кыайыы иһин" бойобуой мэтээллэрдээх Николай Михайлович, Анна Михайловна Андросовтар дьиэ - кэргэттэринээн олорон ааспыт тэлгэһэлэригэр үйэтитэн , кэнчээри ыччакка өйдүү, саныы сылдьалларыгар анаан сэрии 4 кыттыылааҕар өйдөбүнньүк бэлиэ ( мемориальнай дуоска ) аһыллыыта үөрүүлээх быһыыга-майгыга буолла. Бэрт- Ууһун нэһилиэгин администрациятыттан, депутаттарын ааттарыттан В.И. Копырин, нэһилиэк кырдьаҕастарын Сэбиэтин салайааччыта М.М. Портнягин уонна сэрии бэтэрээннэрин төрөппүт оҕолоро, сиэннэрэ уонна чугас хаан -уруу аймахтара ахтан санаан Эҕэрдэ тыл эттилэр. Эйэлээх, көҥүл олоҕу олохтоспут бэтэрээннэрбитигэр олохтоох оскуола ырыаҕа учуутала Оксана Федорова ылбаҕай ырыатынан эҕэрдэлээтэ. Бүгүҥҥү тэрээһин уопсай хаартыскаҕа түһүүнэн түмүктэннэ.