Информация о материале

Автор: Super User

Бэс ыйын 20-21 күннэригэр Сыырдаах бөһүөлэгэ төрүттэммитэ 80 сылынан, "Победа" холкуос председателэ, А5а дойду Улуу сэриитин бэтэрээнэ, Ленин уонна А5а дойду сэриитин 1 степеннаах орден кавалердара, Саха АССР норуотун хаһаайыстыбатын үтүөлээх үлэһитэ, Уус-Алдан улууһун бочуоттаах олохтооҕо, Сыырдаах бөһүөлэгин төрүттээбит ДАНИЛОВ ПЕТР НИКОЛАЕВИЧ 110 сылыгар аналлаах, Үбүлүйнэй "САЙДА-ҮҮНЭ, ТУПСА ТУР СЫЫРДААҔЫМ" диэн  ыһыахха "Уран тарбахтаах, мындыр өйдөөх тимир уустара" диэн тимир уустарыгар уонна "Сыырдаа5ы туругурдубут үтүө киһибит" диэн быыстапкалар Туолай алаас түһүлгэтигэр турдулар. 

Информация о материале

Автор: Super User

Ыам ыйын 26 күнүгэр Бэрт-Ууһун нэһилиэгин олохтоох библиотекатыгар И.С. Портнягин аатынан Сыырдаах орто оскуолатын 4 кылааһын үөрэнээччилэригэр регионнар икки ардыларынааҕы «Сила книги» акция ыытылынна. Акция5а А.П. Иванов аатынан сынньалаҥ киинин фольклорун салайааччыта Герасимов К.Ф. Бэрт –Ууһун нэһилиэгин аатырбыт олоҥхоһутун Николай Васильавич Москвитин “Хаан Дьаргыстай” олоҥхотун билиһиннэрдэ, быһа тардан олоҥхолоон иһитиннэрдэ. Оҕолор олоҥхону чуумпуран олорон иһиттилэр, сэргээтилэр.

Информация о материале

Автор: Super User

Ааҕар киһи – билиилээх,

Билиилээх киһи – сайдыылаах,

Сайдыылаах киһи – ситиһиилээх!

 Төрөөбүт тыл оҕоҕо ийэ үүтүн тэҥэ, тыынар салгын, иһэр уу, аһыыр ас. Быһатын эттэххэ, киһи буоларга күүс-уох биэрэр, өлбөт мэҥэ уута буолар. Орто саастаах оҕо оҥорон көрөр дьоҕура бу кэмҥэ күүскэ сайдар. Тылга баайа хото сайдыбыт буоллаҕына, оҕо бэйэтин санаатын (оҥорон көрүүтүн) балачча ыпсаран кэпсиир, тылы сөптөөхтүк сатаан саҥара үөрэнэр буолар.

Быйылгы 2025-2026 үөрэх дьылыгар Бэрт-Ууһун нэһилиэгин олохтоох библиотекатыгар оҕо библиотекаҕа сылдьар көҕүн үрдэтэр, сахалыы кинигэни ааҕарын ситиһэр сыаллаах “Үнүгэс” куруһуок сэтинньи ыйтан үлэтин саҕалаабыта.  Куруһуогу «Эйэ5эс эбээлэр» түмсүү, салайааччы Неустроева А.Л. уонна олохтоох библиотека библиотекара Парникова П.Е. былааннаан ыыттылар.  

Куруһуокка сахалыы ааҕыыга үлэ араас көрүҥнэрэ туһанылыннылар. Үөрэх дьылын устата хас биирдии оҕо аахпыт айымньытын, хоһоонун, остуоруйатын ырытан «Аа5ыы күннүгэр” бэлиэтэннэ.   Сыл түмүгүнэн элбэх айымньыны аахпыт оҕолор Павлова Мария, Винокурова Санаайа  бастыҥ ааҕааччылар буоллулар. Куруһуок ааҕааччыларыгар барыларыгар куруһуокка сылдьыбыттарын туоһулуур сертификаттар, бириистэр туттарылыннылар. 

Информация о материале

Автор: Super User

Ыам ыйын 20 күнүгэр И.С. Портнягин аатынан Сыырдаах орто оскуолатын орто сүһүөх кылаас үөрэнээччилэригэр олохтоох библиотека библиотекара Парникова П.Е. уонна оскуола библиотекатын үлэһитэ Бережнова К.Н. саха бастакы интеллигенциятын лидерэ, бөдөҥ общесатвеннай деятель, учуонай, суруйааччы, публицист «Сахалар сойуустарын» салайааччыта Василий Васильевич Никифоров – Күлүмнүүр төрөөбүтэ 160 сылыгар аналлаах декада чэрчитинэн кини оло5ун, үлэтин сырдатар иһитиннэрии - библиотечнай уруок, бэсиэдэ уонна билиини тургутар “Саха саарына” интеллектуальнай оонньуу ыыттылар. Кыайыылаахтарга Добун суруктары, бириис туттардылар.