Информация о материале

Автор: Super User

Библионочь-2025 "Свои герои" акция тэрээһин Бэрт-Ууһун олохтоох библиотекатыгар буолан ааста. Бэрт-Ууһун нэһилиэгин Аҕа дойду Улуу сэриитин бэтэрээннэрин, сэрии кэмигэр тыылга Кыайыыны уһансыбыттар, кырыктаах сэриигэ оҕолорун атаарбыт ийэлэр, Уус-Алдан улууһун гражданскай, Аҕа дойду сэриитин, үлэ, анал Байыаннай дьайыы, 9-с дьоруойун уонна локальнай сэрии кыттыылаахтарын быыстапкалара туруорулунна. "Чуораанчык" оҕо уһуйаанын улахан уонна бэлэмнэнии бөлөҕүн иитиллээччилэригэр аралдытыы, Сыырдаах орто оскуолатын 5-6 кылаас уерэнээччилэригэр "Свои герои" библиотечнай уруок ыытылынна. 6 кылаас оҕолоро анал Байыаннай дьайыы кыттыылаахтарыгар сурук суруйан туттардылар салайааччы Неустроева Д.И. Нэһилиэк олохтоохторо "Айымньылар, киинэлэр, геройдар" викторинаҕа бэйэлэрин билиилэрин тургутан ыллылыр. Кыттааччыларга барыларыгар өйдөбунньүк бэлэх туттарыллыннылар. "Свои герои" тиэмэ5э аналлаах тэрээһини 6 кылаас үерэнээччилэрэ кылаас салаайааччыта Диана Ивановна Неустроева "Сэрии суох буоллун" хоһоонунан түмүктээтилэр.

Информация о материале

Автор: Super User

"Матери России" волондердарыгар анал дьайыыга сылдьар уолаттарга көстүүм тигиитигэр Бэрт-Ууһун олохтоохторо Москвитина А.Е., Иванова М.Е., Попова Н.К, "Чуораанчык" детсад, И.С. Портнягин аатынан Сыырдаах орто оскуолатын, А.П. Иванов аатынан норуот айымньытын киинин коллективтара, ветеренарнай врач Мордовская М.С. уонна олохтоох библиотекарь Парникова П.Е.   таҥас тигэн көмөлестүлэр. Барыта 10 көстүүмү тигэн бэлэмнээтьилэр. Көмөлөһөн тикпит иистэнньэннэргэ махталбытын тиэрдэбит. 

Информация о материале

Автор: Super User

Муус устар 25 күнүгэр И.С. Портнягин аатынан Сыырдаах орто оскуолатын алын уонна орто сүһүөх кылаастарын үөрэнээччилэригэр "Символы Якутии" өрөспүүбүлүкэтээҕи олимпиадата буолан ааста. Быйыл 42 үөрэнээччи олимпиадаҕа кыттыыны ылла. Бу тэрээһиҥҥэ оскуола библиотекаря  Уйусхан Николаевич Сивцев күүс-көмө буолла.

Информация о материале

Автор: Super User

           Муус устар ый 15 күнүгэр А. П. Иванов аатынан норуот айымньытын киинин иһинэн үлэлиир «Амарах » түмсүү Улуу Кыайыы 80 сылынан уонна сандал саас салаллан кэлбитинэн Курбуһахтааҕы кырдьаҕастар уонна доруобуйаларынан хааччахтаммыт дьон интернат дьиэтин олохтоохторугар уонна үлэһиттэригэр кэтэһиилээх ыалдьыттар буолан ырыа — үҥкүү аргыстаах, кер-күлүү кэһиилээх эҕэрдэ кэнсиэрдээх ыалдьыттаатыбыт. Ону тэҥэ интернат дьиэҕэ олорор биир дойдулаахтарбытыгар нэһилиэк соц. үлэһитэ Варвара Михайловна Иванова Данилова Мария Михайловнаҕа, Андросов Михаил Николаевичка, Петухов Аркадий Петровичка, Протодьяконов Василий Михайловичка, Петров Иннокентий Ильичкэ уонна Портнягин Павел Павловичка төрөөбүт төрүт сирдэриттэн Сыырдаахха олорор аймахтарыттан ас кэһиилэрин тутан үөрүүлэрэ үксээтэ.

          Библиотекарь Пелагея Егоровна Парникова интернат библиотекатын фондата кэҥииригэр "Аһымал" акция биллэрэн Сыырдаах орто оскуолатын 6-с кылааһын үөрэнээччилэрэ кылаас салайааччыта Диана Ивановна Неустроева, «Чуораанчык » уһуйаан үлэһиттэрэ, «Эйэҕэс эбээлэр» түмсүү сал. Альбина Львовна Неустроева уонна Зоя Дмитриевна Петрова, Дмитрий Валерьянович Бурцев кинигэ бэлэхтэрин уонна норуот айымньытын киинин директора Лилия Лазаревна Бурцева өйдөбүнньүк бэлэҕин интернат дьиэ директорыгар М. В. Местниковаҕа дохсун ытыс тыаһынан туттардылар.

          Аҕам саастаахтарбытыгар Пелагея Егоровна викторина оҥорон сэргэхситтэ. Викторинаҕа боппуруостарга эппиэттээн өйдөбүнньүк бэлэх тутан үөрдүлэр. Уонна түмүккэ өйдүү саныы сылдьарга уопсай хаартыскаҕа түһүүнэн түмүктээтибит.

          Аҕам саастаахтарбыт, биир дойдулаахтарбыт үөрүүлэрэ-көтүүлэрэ биһигини долгутта, истиҥ-иһирэх кэпсэтиинэн тарҕастыбыт.