Информация о материале

Бэрт Ууһун нэһилиэгэр Россияҕа норуоттар сомоҕолоһууларын, Саха Өрөспүүбүлүкэтигэр култуура, улууска түмсүү уонна бииргэ үлэлээһин, нэһилиэккэ бөһүөлэк төрүттэммитэ 80 сылларыгар анаан олохтоох библиотека5а ааҕааччылары көҕүлүүр, билиини - көрүүнү тургутар сыаллаах «ТАЛ. ТААЙ. ТАП» өркөн өй оонньуу хамаанданан күрэҕэ ыытылынна. Күрэ5и 4 ый устата «Эйэ5эс эбээлэр» түмсүү- салайааччы Неустроева Альбина Львовна уонна олохтоох библиотекарь Парникова Пелагея Егоровна ыыттылар. Оонньууга тэрилтэлэртэн, түмсүүлэртэн, баҕалаах нэһилиэк дьонуттан 3түү киһилээх хамаандалар тэриллэн сэрэбиэй быһыытынан 1 түһүмэххэ 8 хамаанда кыттыыны ылбыта. Оонньооччуларга Бэрт-Ууһуттан төрүттээх - Бала5аннаахтан Москвитина М.Е, Боро5онтон Бурнашева И.И. кыттан, көх-нэм буоллулар. Оонньуу аайы 25-тии ыйытыылаах 10 тема5а кииристилэр. Хамаандалар оонньуу устата 500 ыйытыыга эппиэттээтилэр. Хас биирдии тема5а спонсордар туруорбут бириистээх ыйытыылара оонньоннулар. Элбэх бааллаах 3 хамаанда ыам ыйын 14 күнүгэр тумуктуур оонньууга күөн көрүстүлэр. Чыпчаал кыайыылаахтарынан : Москвитина Матрена Егоровна, Неустроева Диана Ивановна, Копырина Ньургуйаана Михайловна састааптаах хамаанда та5ыста. Ильин Илья Прокопьевич , Пухов Гаврил Иннокентьевич, Березкин Александр Николаевич састааптаах хамаанда иккис миэстэни ылла. Үһүскэ 🥉 Черкашин Василий Петрович, Лебедева Лидия Гаврильевна,Иванова Варвара Михайловна та5ыстылар. Кыайыылаахтарга Хай5ал суруктар, мэтээллэр, өйдөбүнньүк саха оҥоһуга бириистэр, бары кыттыбыттарга Туоһу суруктар, спонсордарбытыгар Махтал суруктар, буклеттар туттарылыннылар. Спонсордарбытынан: 1. Ильин И.П - Бэрт-Ууһун нэһилиэгин баһылыга. 2. Куличкина М.И. - Аллараа Бэстээхтээ5и М.Е. Попов аатынан орто оскуола математика5а учуутала. 3. Лебедева Л.Г. - «Сыырдаах» бэтэринээрийэ учаастак сэбиэдиссэйэ. 4. Бурцева Н.В. - В.В. Алексеев аатынан Мүрүтээҕи "Уолан" гимназия саха тылын уонна литературатын учуутала. 5. Петрова М.М. - И.С. Портнягин аатынан Сыырдаах орто оскуолатын директора. 6. Алексеева Н.А. - Жатайдаа5ы техникум методическай кабинетын салайааччыта. 7. Бурцева Л.Л. - А.П. Иванов аатынан норуот айымньытын киинин директора. 8. Иванова В.М. - социальнай үлэһит. 9. Иванова М.С. - «Чуораанчык» о5о уһуйаанын сэбиэдиссэйэ. 10. Неустроева А.Л. - «Эйэ5эс эбээлэр» түмсүү салайааччыта. 11. Парникова П.Е. - олохтоох библиотека сэбиэдиссэйэ буоллулар. Бириистээх 11 ыйытыы оонньонно. «Эйэ5эс эбээлэр» түмсүү, олохтоох библиотека ыытар тэрээһиннэригэр өйөбүл, күүс-көмө, буолар спонсордарбытыгар, өркөн өй күрэҕэр кыттыбыт бары хамаандаларга биһиги ыытар тэрээһиннэрбитигэр өрүү көхтөөх кыттыыны ыларгытыгар махтанабыт. Бука барыгытыгар үлэ5э ситиһиилэри, у5араабат эрчими, үрдүк тэтимнээх үлэни-хамнаьы ба5арабыт.

 

Информация о материале

Бэрт Ууһун нэһилиэгэр Россияҕа норуоттар сомоҕолоһууларын, Саха Өрөспүүбүлүкэтигэр култуура, улууска түмсүү уонна бииргэ үлэлээһин, нэһилиэккэ бөһүөлэк төрүттэммитэ 80 сылларыгар анаан ааҕааччылары көҕүлүүр сыаллаах олохтоох библиотекаҕа «ТАЛ. ТААЙ. ТАП» өркөн өй оонньуу хамаанданан күрэҕэ олунньу ыйтан саҕаламмыта. Оонньууга тэрилтэлэртэн, түмсүүлэртэн, баҕалаах нэһилиэк дьонуттан 3түү киһилээх хамаанда тэриллэн сэрэбиэй быһыытынан 8 хамаанда 1 түһүмэххэ кытыыны ылла. Элбэх бааллаах 3 хамаанда:

1. Копырина Ньургуйаана Михайловна, Москвитина Матрена Егоровна, Неустроева Диана Ивановна

2. Пухов Гаврил Иннокентьевич, Явловскай Василий Дмитриевич, Березкин Александр Николаевич

3.Черкашин Василий Петрович, Лебедева Лидия Гаврильевна, Иванова Варвара Михайловна финалга таҕыстылар.

Финалистар ыам ыйын ортото ФИНАЛГА күөн көрсүөхтэрэ. Өркөн өй күрэҕэр кыттыбыт бары хамаандаларга махталбытын тиэрдэбит.

 

    

  

Информация о материале

Бүгүн, тохсунньу 27 күнүгэр Ленинград Дьоруой-куорат блокадаттан толору босхоломмута 82 сылын бэлиэтиир, потриоттуу тыыҥҥа иитиигэ И.С. Портнягин аатынан Сыырдаах орто оскуолатын орто, улахан сүһүөх кылаастарыгар библиотечнай уруок ыытылынна. Тохсунньу 27 күнүгэр судаарыстыбабыт уонна 1941-1945 сыллардааҕы Аҕа дойду Улуу сэриитин историяларыгар биир бэлиэ күн бэлиэтэнэр. Ленинград диэн тылы иhиттиҥ да, бу Аҕа дойду Улуу сэриитин биир саамай хараастыылаах түгэнэ буолара киhи тѳбѳтүгэр охсулла түhэр. Ол курдук, күн бүгүҥҥээҥи диэри умнуллубакка дьон ѳйүгэр-санаатыгар кѳрдүгэн буолан күөдьүйэ сытар… “Ленинграды ньиэмэс-фашист халабырдьыттарын төгүрүктээһиннэриттэн толору босхолооһун – бу кутурҕаннаах бэлиэ күн. Блокада 872 күн барбыта уонна 3 мөлүйүөн кэриҥэ киһилээх куоракка сэрии бүтэригэр 500 тыһыынчаттан тахса эрэ киһи хаалбыта. Бүгүн сэрии сылларыгар балтараа мөлүйүөн Ленинград олохтооҕо өлбүтүн туһунан этэллэр. Биһиги ытык иэспит – дьиҥнээх историяны уонна бу хомолтолоох түгэн туһунан өйдөбүнньүгү илдьэ сылдьыы уонна бу туһунан эдэр көлүөнэҕэ тириэрдэр сыалтан И.С. Портнягин аатынан Сыырдаах орто оскуолатын үөрэнээччилэригэр библиотечнай уруок ыытылынна. Биһиги Бэрт-Ууспут нэһилиэгиттэн Ленинград куораты босхолооһуҥҥа сылдьыбыт биир дойдулаахпыт Аҕа Дойду сэриитин I cт. орденынан, «Хорсунун иһин», Ленинград оборонатын иһин, Германияны кыайыы иһин мэтээллэринэн наҕараадалардаах Андросов Николай Михайлович блокада кыттыылааҕа буоларын төрөппүт уола Василий Николаевич Андросов үөрэнээччилэргэ билиһиннэрдэ, маны тэҥэ ол ааспыт ыар кэмнэри кэпсиир бэсиэдэни уонна Таня Савичева күннүгүттэн олохтоох библиотекарь Парникова П.Е. сырдатта.

 

Информация о материале

        Тохсунньу 15 күнүгэр Бэрт-Ууһун нэһилиэгэр 2025 сылы түмүктүүр, үүммүт сылы көрсө олохтоох библиотека көхтөөх аа5ааччыларыгар, араас темалаах өй күрэхтэригэр,оонньууларга кыттар нэһилиэк олохтоохторугар "Саҥа дьыллаа5ы серпантин" диэн киэҥ ис хоьоонноох тэрээһин буолан ааста. Тэрээһини хас эмэ түһүмэ5инэн Неустроева Альбина Львовна салайааччылаах «Эйэ5эс эбээлэр» түмсүү уонна олохтоох библиотека сэбиэдиссэйэ Парникова ПЕ иилээн ыыттылар. Ыҥырыылаах ыалдьыттар араас интэриэһинэй, сонун, кулуу-оонньуу аргыстаах бэһиэлэй оонньуулары оонньоон бириистэринэн бэлиэтэннилэр. Сыл түмүгүнэн көхтөөх аа5ааччылар, кыттааччылар Э5эрдэ суруктары, Тымныы о5онньор бэлэ5ин туттулар. Кэлбит ыалдьыттары кытта "Төгүрүк остуол" тула олорон быйылгы ыытыллар тэрээһиннэри кэпсэттилэр, санаа атастастылар, этиилэри иһиттилэр. Сомо5олоһуу, түмсүү уонна бииргэ үлэлээһин сылынан өссө түмсүүлээхтик үлэлииргэ сүбэлэһэн тар5астылар.

 

    

  1. «Комсомол – мин дьолум» тэрээьин ыытылынна
  2. Майа5атта Бэрт Хара туьунан кинигэ Бэрт Ууьун нэьилиэгэр сурэхтэннэ