Информация о материале

Автор: Super User

Кулун тутар 20 күнүгэр Улууска култуура тэриллибитэ 80 сыллаах юбилейынан Бэрт-Ууһун олохтоох библиотекатыгар А.П. Иванов аатынан норуот айымньытын киинин методиһа Черкашин В.П. уонна библиотекарь Парникова П.Е. үлэлэрин сырдатан быыстапка туруоран оскуола оҕолоругар  библиотечнай уруокка кэпсээтилэр.

Информация о материале

Автор: Super User

Кулун тутар 4 күнүгэр А. П. Иванов аатынан НАК "Уруйдуубут Улуу Кыайыыны" Уус — Алдан улууһун нэһилиэктэрин икки ардыларыгар ыытыллар бэстиибээлгэ нэһилиэкпит 70 тахса олохтооҕо кыттыылаах тэрээһинэ өрө көтөҕүүлээхтик буолан ааста. Ол курдук бэстибээл Кыайыыны уһансыбыт сэрии, тыыл бэтэрээннэригэр сүгүрүйэн Улуу Кыайыы 80 сылыгар аналлаах быыстапкаттан саҕаланна. Быыстапка үс түһүмэхтээх. 1-кы түһүмэх "Ийэлэр өлбөт үйэлээх хорсун быһыылара» ( «Материнскай подвиг»). 2-с түһүмэх «Үйэлээх полк» («Бессмертный полк»). 3-с түһүмэх "Сэдэх экспонат» ("история одного экспоната») олохтоох оскуола оҕолорун уонна учуутал В. Н. Андросовы 7-8 кылаас салайааччылара уонна библиотекарь Пелагея Егоровна Парникова бэлэмнээн ситиһиилээхтик кытыннылар.

Салгыы нэһилиэк уус-уран самодеятельноһын 3 түһүмэхтээх 18 нүөмэрдээх театрализованнай кэнсиэрэ өрө көтөҕүүлээхтик ааста. Аҕа дойду сэриитигэр Улуу Кыайыы бастакы күнүттэн саҕалаан, Сэбиэскэй Сойуус уругуруу кэмин таарыйан бу билиҥҥи эйэлээх олоххо диэри көстүү биир тыынынан көрдөрүллэр ааста. Кэнсиэргэ ырыа араас хайысхатынан ыллаан, хоһоон ааҕан, үҥкүүлээн , хомустаан, оһуохайдаан көрдөрүлүннэ. Дьүүллүүр сүбэ быһаарыытынан. Быыстапка — 4,36. Кэнсиэр. — 4,40 Уопсайа — 4,38 баалынан сыаналанна. Кэнсиэр түмүгүнэн : Илья Ильин уонна Эрхаан Слепцов сололара, Мария Портнягина уонна Эрхаан Слепцов дуэттара, Иннокентий Барабанскай, Прокопий Неустроев, Андрей Васильев триолара, эр дьон ансаамбыла уонна Чороонноох үҥкүү лауреат үрдүк аатын ылан үөрүүбүтүн өссө үксэттэ. Улуу Кыайыы 80 сылыгар аналлаах бэстибээл уус-уран самодеятельнай кэнсиэрин кыттыылаахтарыгар, быыстапкаҕа сүбэ-ама буолбут А. Л. Неустроева, Е. Т. Бурцеваҕа,кыттыбыт оҕолорго уонна экспонат уларсан күүс көмө буолбут биир дойдулаахтарбытыгар барҕа махтал тылбытын тиэрдэбит. Бу курдук нэһилиэкпит сайдарын туһугар бары бииргэ буолуоххайыҥ.

Информация о материале

Автор: Super User

Ахсынньы 24 күнүгэр А.П. Иванов аатынан норуот айымньытын киинигэр Киргизия Республикатын Бишкек куоратыгар 6-с төгүлүн ыытыллыбыт Аан дойду чемпионатын муҥутуур кыайыылааҕын Дмитрий Попову уонна үрүҥ көмүс призерун Валентина Шестакованы ситиһиилэринэн чиэстиир дьоро күн буолан ааста. 

Мас-реслиҥҥа СР спордун, волейболга СахаВА маастарын, 2024с бэтэрээн дьахталларга Аан дойду чемпионатын үрүҥ көмүс призерун, 2022с Олимпийскай чемпион Роман Дмитриев аатынан Москва куоракка ыытыллыбыт бүтүн Российскай турнир үрүҥ көмүс призерун, Армреслиҥҥа СР абсалютнай чемпионун, СР чемпионатын, турнирдарын призерун, СахаВА, Арктическай улуустар икки ардыларыгар ыытыллар фестиваллар кыайыылааҕын, бэтэрээн дьахталларга 60м сүүрүүгэ СР 7-с спартакиадатын үрүҥ көмүс мэтээл хаһаайкатын Валентина Юрьевна Шестакованы уонна кини тренерин Арм-реслиҥҥа Россия спордун маастарын, СР физическай культуура туйгунун, үлэ бэтэрээнин Оксана Федоровна Эврестованы, Мас-реслиҥҥа Россия спордун үтүөлээх маастарын, атах оонньуутугар СР спордун маастарын, Аан дойду 4 төгүллээх, Россияҕа 8, Европаҕа 2, Аан дойду кубогар 3, СР 11 төгүллээх чемпионун, Баһылай Манчаары спартакиада 2 төгүллээх кыайыылааҕын, сахалыы многоборьеҕа "Чемпион кубога", "Тоҕус Томтор" оонньууларын муҥутуур кыайыылааҕын, СР, Уус-Алдан улууһун, Бэрт - Ууһун нэһилиэгэр хас да төгүллээх "Сыл бастыҥ спортсмена" анал аат хаһаайынын, Боччуоттаах олохтооҕун Дмитрий Дмитриевич Попову уонна кини тренерин Россия, СР үтүөлээх тренерин, Россия физическай культууратын үтүөлээх үлэһитин Петр Николаевич Довыдовы нэһилиэк олохтоохторо дохсун ытыс тыаһынан көрүстүлэр.

Кыайыы өрөгөйүн бэлэхтээбит мадьыныларбытыгар Ил Түмэн депутата, "Модун" Саха төрүт көрүҥнэрин сайыннарар киин директора Геннадий Анатольевич Васильев, Бэрт-Ууһун аҕа баһылыга Илья Прокопьевич Ильин, тэрилтэ салайааччылара, үерэппит учууталлара, бииргэ төрөөбүттэрэ, бииргэ үөрэммит оҕолоро, доҕотторо, дьүөгэлэрэ эҕэрдэ тылларын, өрөгөйдөөх алгыстарын анаатылар.

Информация о материале

Автор: Super User

       Улуустааҕы Олоҥхо декадата биллэриллибитинэн, Олоҥхо күнүн көрсө Бэрт Ууһун олохтоох библиотеката оскуола оҕолоругар библиотечнай уруоктары, "Чуораанчык" оҕо уһуйаанын иитиллээччилэригэр анаан олоҥхо туһунан видеопрезентациянан бэсиэдэ, олоҥхонон остуол оонньууларын оонньоото. Оҕолор сахалыы таҥнан-симэнэн, чуумпуран олорон бэсиэдэни, олоҥхонон остуол оонньууларын олус сэргээн иһиттилэр.